影帝劉青雲昨日以宣傳大使身份為電視台節目巡禮主持啟動儀式,活動上播出由其拍攝的點播服務宣傳片,青雲趣怪演繹“又點播”,相當洗腦。問到身為影帝的青雲是否即興自加趣怪對白?他笑言:“我都係跟佢哋劇本咋!邊敢自己講呀?”青雲又直言,自己跟不少港人一樣習慣追劇:“真嘅,最多一日睇兩、三套啦。(同太太郭靄明爭電視機?)唔會,大家清楚大家想睇乜。(用專業眼光去睇?)我係一般觀眾咁睇,好開心咁去睇。(有邊套戲會一睇再睇?)以前有,做電視台收工都兩三點,錄影機錄咗乜就睇乜!(睇番自己作品?)少啲,我諗住之後都唔睇喇,留番退休先一次過睇,咁樣先最清晰!”
提到年青人的趨勢大多熱捧點播電視服務對傳統電視帶來衝擊,曾是電視演員的青雲表示:“冇辦法,要去適應,都會影響埋電影添啦,係大勢所趨,好多人都拎手提電話睇戲,我就唔得喇,太細部,睇戲都要去大銀幕嘅,都係畀大家多個選擇。”